Publicidade
EconomíaEconomíaÚltima hora

Marisol Novoa cumpre un ano á fronte da CEO

É a primeira muller que ocupa un cargo deste tipo nas organizacións empresariais galegas

Marisol Novoa, presidenta da CEO.

 

Cun vídeo, que se vén de publicar nas redes sociais, conmemora este sábado a Confederación Empresarial de Ourense (CEO) o primeiro ano de mandanto de Marisol Novoa Rodríguez, que asumía o cargo de presidenta desta organización o 6 de xuño de 2019, ocupando o baleiro deixado tras o falecemento de José Manuel Pérez Canal.

Dese xeito, Novoa Rodríguez convertíase na primeira muller en situarse á fronte dunha organización empresarial provincial en Galicia, e facíase acompañar doutras dúas mulleres como vicepresidentas, Rosa Mª Sánchez Gándara e Beatriz Gómez Valcárcel. Completaron os cargos da directiva César Blanco e Alejandro Cruz, tamén como vicepresidentes, e Juan Manuel Piñeiro e David Martínez como tesoureiro e contador, respectivamente.

Natural do Carballiño e avogada de profesión, Marisol Novoa non era allea aos cargos de responsabilidade no asociacionismo empresarial, posto que xa compaxinaba o cargo de presidenta da Asociación de Mulleres Empresarias co de vicepresidenta no equipo de Pérez Canal.

 

Un año de compromiso con Ourense

Hoy se cumple un año de la llegada a la presidencia de la CEO de Marisol Nóvoa. Desde la Confederación queremos aprovechar este aniversario para hacer un balance en positivo que nos empuje a seguir adelante, y nos ayude a afrontar estos tiempos difíciles. Con la vista puesta en nuestra provincia y sus gentes, nos toca seguir trabajando por ellas, más unidos que nunca. Estamos preparados, ¡acompáñanos!

Posted by Confederación Empresarial de Ourense on Friday, June 5, 2020

 

 

Defende o protagonismo e valor da muller na empresa e a necesaria unidade de todo o colectivo para actuar con máis fuerza, e tamén aplica estas dúas referencias no seu traballo diario, ademais apostar por Ourense, polos seus recursos e potencialidades, tal e como se destaca dende a CEO.

Logo deste primeiro ano de mandato, Novoa resalta “tanto o valiosísimo traballo diario da CEO ao carón das empresas ourensás (aínda resulte menos coñecido polo habitual e rutinario), como as accións puntuais e máis mediáticas coas que, por exemplo, traemos ata aquí a empresarios doutross países para amosar as excelencias da provincia e vendela fóra, algo que sen dúbida repercute moi positivamente nela, e que debemos potenciar aínda máis en canto o permita a situación creada pola pandemia, xa que o comercio exterior pode resultar moi beneficioso para Ourense nesta crise, ao igual que sucedeu na anterior”.

A presidenta da CEO reivindica, ao mesmo tempo, seguir apostando e defendendo outras liñas de actuación como a revitalización do ámbito rural, a posta en valor do made in Ourense, infraestruturas do século XXI para a provincia, implantación de industria, o comercio local, a dixitalización das empresas, un turismo de calidade, e, en definitiva, todas as accións que conduzan a un Ourense con futuro onde se cumpran os soños e proxectos de todos os seus habitantes.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close