OurenseÚltima hora

Matarile Teatro recala en Ourense coa súa nova montaxe “Daimon y la jodida lógica”

A representación será mañá, sábado 15 de febreiro, ás 20:30 horas no Auditorio Municipal

Unha escena de “Daimon y la jodida lógica”. /Foto: Edición Rusa.

 

Matarile Teatro leva tres décadas creando vangarda sobre as táboas. Pioneira dun teatro innovador en España, é un referente na escena contemporánea. Na súa creación, a compañía dirixida por Ana Vallés e Baltasar Patiño, combina distintos linguaxes e formatos en colaboración con artistas de distintas procedencias e traxectorias artísticas, buscando sempre a excelencia na calidade artística e técnica da súa posta en escena.

Uns valores que se reflicten novamente na súa última montaxe Daimon y la jodida lógica, coa que a compañía galega regresa a Ourense. Estreada en setembro en Vigo, esta obra supón “unha explosión de danza, teatro, palabra, xogo, filosofía, música en directo, investigación sobre o son, iluminación xeradora dun espazo elocuente… con nove intérpretes en escena, e cuxo título baséase nun concepto mitolóxico que pode significar -segundo o contexto- “o destino, a voz da conciencia, a intuición, anxo ou demo, o murmurio da voz interior que detén ou empurra…”, tal como explican dende a propia compañía.

A cita será mañá, sábado 15 de febreiro, ás 20:30 horas no Auditorio Municipal de Ourense. E despois seguirá a xira galega de inverno con parada en Santiago de Compostela o 14 de marzo.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close