Entre aplausos recibían os rapaces de Asfaval ao Mago Pedro Bugarín na Biblioteca Florencio Delgado Gurriarán do Barco na mañá deste 11 de outubro. O ilusionista presentaba o seu “4.0 Maxia para todos”, un espectáculo dirixido a colectivos con necesidades especiais.
O Mago implicaba dende o principio ao público nos seus trucos, nos que botaba man de diversos materiais: dende froita, panos e bolsas ata cordas. Moita maxia e sorpresas, sempre en clave de humor.
Esta actividade estaba incluída dentro do programa de dinamización “Ler Conta Moito”.
Fotos: A.R.
