En portadaÚltima hora

A maxia do vianés Mago Teto chega ao Nadal do Barco

Ademais o venres a vila recibirá a visita do Apalpador, que se reunirá cos máis pequenos na biblioteca
O Mago Teto, durante unha actuación./ Foto: Mónica G. Bellver.

Sobre o escenario do Teatro Lauro Olmo barquense poderá verse este xoves 28 de decembro ás 19h. “Íntimo, a viaxe da miña vida”, un espectáculo do vianés Mago Teto. Nel plantexa un percorrido “seguramente iniciático, na procura da esencia da maxia”, que o levou por diferentes países do mundo, polas paisaxes das artes e mesmo das ciencias. A cuestión é ¿atopará o Mago Teto a esencia da maxia? A resposta, esta tarde no auditorio barquense.

O toque máxico non faltará tampouco noutra visita moi especial que terá lugar o 29 de decembro ás 19h. O Apalpador, un personaxe mítico do Nadal galego deixará as montañas para achegarse ata a Biblioteca Florencio Delgado Gurriarán do Barco e reunirse cos rapaces. Ademais, despois deste encontro, os cativos poderán asistir a unha actuación de contacontos e música. Así Fran Campos achegarase ata alí con “Filipa cos contos” para despregar un abano de historias.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close