CulturaCulturaÚltima hora

MDM Producciones presentará en Verín a súa obra “La enferma por amor”

A representación terá lugar o 2 de febreiro ás 20 horas no Auditorio Municipal

A moza Lucrezia, filla do comerciante Pantalone, está namorada do doutor Onesti, por iso fínxese enferma para ver todos os días ao seu amado. O doutor Onesti, intúe que a enfermidade da nova é soamente imaxinaria… Á súa vez, apoiados nisto polo moi oportunista boticario Agapito, ao redor de Lucrezia, e chamados polo seu pai, que se atopa desesperado ante a enfermidade da súa filla, atópanse numerosos médicos que, coa súa ignorancia, poderían chegar a prexudicar realmente a saúde de Lucrezia…

É o argumento de La enferma por amor, a nova creación da compañía MDM Producciones que, na procura de achegar o teatro a todos os públicos, recalará no Auditorio Municipal de Verín o 2 de febreiro ás 20h. A obra está inspirada na comedia homónima de Carlo Goldoni e as entradas, que xa están a venda en www.ataquilla.com, terán un prezo de 5 euros.

Artigos relacionados

Back to top button
Close