O goteo de peregrinos polo Camiño de Inverno, a ruta xacobea entre Ponferrada e Santiago de Compostela polo Bierzo, Valdeorras e Ribeira Sacra, é constante. Individualmente, en parellas ou en grupo, é rara a semana que non se vei algún camiñante coa mochila ás costas e o bastón na man. Algúns completan os máis de 200 quilómetros dunha sentada, outros por etapas en varias fins de semana.
Desta volta, era un grupo de peregrinos formado por 26 médicos de diferentes partes de España e do estranxeiro (entre eles Fernando Pensado, médico de profesión e ex alcalde de Palas de Rei), os que se animaban a facer o Camiño, sendo recibidos polo alcalde de Monforte de Lemos, José Tomé, na mañá do 16 de outubro.
