Coñecerán o entorno do parque natural até o vindeiro día 27
Un grupo de cincuenta nenos de Verín, con idades comprendidas entre os nove e os 15 anos, participan dende hoxe luns 22 e até o vindeiro 27 de agosto no primeiro grupo do campamento do Parque Natural do Invernadoiro deste ano.
A iniciativa ten como obxectivo que os cativos coñezan a natureza, á par que aprenden o respecto pola natureza mediante actividades lúdicas e educativas, así como descubrir a importancia da reciclaxe e a convviencia cos compañeiros e co entorno.
Está organizada pola Oficina Municipal de Información Xuvenil do Concello de Verín.