A Consellería do Medio Rural fixo efectivo esta semana o aboamento de 1,7 millóns de euros como anticipo á Federación Galega de Municipios e Provincias para o funcionamento dos Grupos de Emerxencia Supramunicipais (GES), en materia de emerxencias e prevención e defensa contra incendios forestais. Así o trasladou a conselleira Ángeles Vázquez ao presidente da Fegamp, Alfredo García, nunha reunión mantida esta mañá, 7 de xuño, en Santiago de Compostela.
Quedaría pendente que o departamento do goberno autonómico aboase algo máis de 2 millóns de euros, que se farán efectivos, segundo explicaron, unha vez que os propios grupos certifiquen as labores de silvicultura preventiva realizadas.
Isto enmárcase dentro dun convenio de colaboración entre Xunta e a Fegamp co obxectivo de mobilizar os GES para que traballen en labores de extinción e silvicultura preventiva, ademais de realizar traballos relacionados con emerxencias e protección civil.