ConcellosÚltima hora

Medio Rural autorizará dende o 28 de novembro as queimas agrícolas

A Consellería do Medio Rural toma esta decisión pola “diminución do risco de incendios forestais por condicións meteorolóxicas”

A partir de mañá martes, día 28, poderán voler a tramitarse permisos para facer queimas de acordo coa normativa de aplicación, “debido á diminución do risco de incendios forestais por condicións meteorolóxicas”, segundo se informa de a Consellería do Medio Rural. Isto significa que o xoves 30 será o primeiro día para realizar queimas previamente comunicadas. “A prohibición de queimas de restos agrícolas e forestais prolongouse ata o de agora debido á climatoloxía adversa”, matizan dende este departamento autonómico.

Dende mañá poderán realizarse as comunicacións e solicitudes de autorización de queimas a través do teléfono 012, do centro de atención aos cidadáns da Xunta de Galicia, dacordo co establecido no artigo 34 da Lei 3/2007, do 9 de abril, de prevención e defensa contra os incendios forestais de Galicia.

Así, os cidadáns que desexen queimar restos agrícolas amoreados nas zonas que determina a devandita lei nos períodos habilitados deberán comunicalo dous días antes. No caso de queimas de restos forestais amoreados, deberase solicitar unha autorización debido ao risco da actuación, sendo maior o proceso de tramitación. “En todo caso, lembramos que as autorizacións e comunicacións deixan de ter validez nos días que hai vento e altas temperaturas”, aseguran dende a consellería.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close