ConcellosÚltima hora

Medio Rural prohibe as queimas agrícolas a partir do 10 de abril “polas condicións meteorolóxicas”

Ante as previsións para os vindeiros días, a Consellería informa de que “as comunicacións e autorizacións de queima carecen de validez”

 

 

Tendo en conta as “condicións actuais de vento e as previsións para os vindeiros días”, a Consellería do Medio Rural vén de emitir un comunicado no que informa de que “as queimas de restos agrícolas e forestais quedan prohibidas en Galicia a partir de mañá e ata novo aviso. Isto implica que quedan tamén en suspenso os permisos xa concedidos, xa que as comunicacións e autorizacións de queima carecerán de validez dende o momento da prohibición”.

Dende Medio Rural aseguran que a decisión tomouse “tras avaliar a evolución da situación meteorolóxica e unha vez analizados polo miúdo os diferentes indicadores técnicos que inciden no risco de lume. Tamén tendo en conta que a normativa –Decreto 105/2006, polo que se regulan medidas relativas á prevención de incendios forestais, á protección dos asentamentos no medio rural e á regulación de aproveitamentos e repoboacións forestais– prohibe as queimas cando as condicións meteorolóxicas poidan dificultar o seu control, especialmente nos días de vento”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close