A Confederación Hidrográfica Miño-Sil (CHMS), a Deputación de Ourense e o Concello de Bande asinaron hoxe, 11 de xullo, un convenio para renovar as marxes do río Badella ao seu paso por devandita localidade. O convenio foi asinado polo presidente da CHMS, Francisco Marín, o presidente da Deputación, Manuel Baltar, e polo alcalde de Bande, José Antonio Armada.
En total, estas novas actuacións nas marxes do Badella terán un custo de 295.000 euros, dos cales a Deputación de Ourense “achegará o 20%”, dixo o xefe do executivo provincial, Manuel Baltar. Segundo explicou o presidente da CHMS, Francisco Marín, “esta fase contempla a que xa iniciaramos no ano 2015 con fondos europeos neste mesmo río” e asegurou que este acondicionamento favorecerá tanto á recuperación da contorna natural como aos veciños, “xa que pon a Bande de cara ao río e non de costas”, asegurou.
Pola súa banda, José Antonio Armada, alcalde da localidade, asegurou que grazas a esta colaboración entre as institucións “devolveremos o río Badella á cidadanía”. Tamén quixo agradecer aos veciños que “cederon os seus terreos de xeito gratuíto practicamente para poder realizar as melloras”.
Así, esta actuación contempla a intervención en 800 metros de percorrido polas marxes aguas arriba, nas cales instalaranse o pavimento para a mellora do camiño, saltaranse os desniveis para que sexan terreos ciclables e, ao mesmo tempo, demoleranse as pasarelas que sortean o río nalgúns tramos, e que están deterioradas, para substituílas por outras novas.
Texto: Carlos Asensio.
