CulturaCulturaGalerías de fotosÚltima hora

Menchu Abril expón no Liceo de Ourense unha colección de óleos adicada á muller

"La intumescencia en la pintura" xoga coa estética Art Decó dos anos 20 mesturada co Impresionismo

 

Durante todo o mes de marzo o Claustro Liceo de Ourense acollerá unha exposición de óleos centrados na muller. A súa autora, a pintora Menchu Abril, leonesa de nacemento e galega de adopción (viviu 25 anos no Barco de Valdeorras e agora reside en Vigo), presenta para esta ocasión unha colección de 18 cadros de gran formato que alude a temática diversa, pero sobre todo á muller. “Unha muller con introspección cara si mesma, que se analiza, medita e mergúllase no seu universo mental e afectivo, para acercarse á súa esencia”, explica a artista.

 

Menchu Abril no seu estudo, en Vigo. /Foto cedida.

 

En poucos anos Menchu pasou da pincelada exacta, puntual e precisa ao engrosamento (intumescencia) das súas espátulas, logrando chegar a un Impresionismo moderno que deixa espazo á imaxinación do espectador. Dese cambio no trazo e no estilo vén o título da exposición La intumescencia en la pintura, na que a artista xoga coa estética Art Decó dos anos 20, mesturada cun Impresionismo moi persoal que realza a figura da muller empoderada, incluído seis desnudos pintados expresamente para esta mostra.

Autenticidade, sinxeleza, intimidade e cercanía son algúns dos calificativos que mellor poden definir a pintura desta aritsta, que poderá verse no Liceo de Ourense ata o 30 de marzo, de 9 a 21 horas.

 

 

 

 

Fotos Carlos G. Hervella excepto a última da galería que é cedida.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close