CulturaEducaciónÚltima hora

“Meniñeiros” na Veiga, unha das 32 casas niño que funcionan na provincia

 

O centro ‘Meniñeiros’ de A Veiga atende a un total de 4 nenos e nenas. Esta é unha das 32 casas niño que están a funcionar na provincia de Ourense. Concretamente creouse ao abeiro da primeira convocatoria de axudas da Consellería de Política Social correspondente ao ano 2016.

A delegada territorial da Xunta en Galicia, Marisol Díaz Mouteira, visitaba nesta mañá de 20 de novembro esta a Casa Niño do municipio ourensán da Veiga, acompañada polo seu alcalde, Juan Anta. Nesta visita salientou a importancia destes servizos tanto para o coidado dos nenos e nenas de 0 a 3 anos que viven en contornos rurais como para facilitar a conciliación da vida laboral, familiar e social dos pais e nais. Por isto, o goberno galego seguirá a impulsar a creación de casas niño para crear unha rede máis ampla de recursos de conciliación no rural.

O goberno galego resolveu recentemente unha nova convocatoria de axudas, a cuarta desde a implantación deste programa en 2016, para a creación doutros 15 recursos deste tipo, dos que seis se asentarán na provincia ourensá, en concreto nos concellos de Larouco, Montederramo, Petín, Punxín, Rairiz de Veiga e Vilar de Barrio. Estas incorporacións sumadas as que xa funcionan consolidan a Ourense como a provincia que vai contar con máis casas niño, un total de 38.

A Consellería de Política Social fará o ano que vén unha convocatoria extraordinaria de axudas para estender este servizo ao 100% dos municipios. Con este obxectivo, indicou a delegada territorial, os orzamentos de 2020 inclúen unha partida de 620.000 euros que permitirá abrir casas niño en localidades que non teñen nin escola infantil nin punto de atención á infancia.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close