Este domingo 8 de maio o CD Barco ten un dos partidos máis importantes da súa historia. A partir das 18 horas disputará no Estadio Anxo Carro de Lugo a final do play off de ascenso a 2ª RFEF ante o Ourense CF e dende o CD Rúa veñen de enviarlle unha mensaxe de ánimo.
Antes do partido desta tarde de sábado, correspondente á xornada 25 de Segunda Galicia ante o CD Bubal, o equipo rues saltaba ao terreo de xogo e estendía unha parcarta coa mensaxe ‘Imos@@@’ sobre un fondo vermello e amarelo, símbolo do convenio de colaboración que existe entre os dous clubs valdeorreses.
A nivel deportivo o conxunto rues goleaba ao de Oímbra que chegaba mermado ao campo Vicente Solarat Maceda, converténdose matematicamente campións de liga.
Fotos: Mónica G. Bellver.
