ConcellosÚltima horaVídeos

Mensaxes sonoros de ánimo da xente que está fóra para os veciños de San Xoán de Río

Escoitaranse tres veces ao día a través dos altofalantes do Concello, que levaban 20 anos sen utilizarse

Un dos altofalantes recuperados polo Concello de San Xoán de Río.

 

Como un xeito de animar e de achegarse aos veciños que están confinados nas súas casas, o Concello de San Xoán de Río e Protección Civil veñen de poñer en marcha unha curiosa e orixinal iniciativa. Decidía reparar os tres altofalantes que están instalados entre a Casa do Concello e o pavillón polideportivo, que levaban 20 anos sen utilizarse, para emitir a través deles música e mensaxes de ánimo.

“Son altofalantes de hai 35 anos e usábanse daquela cun sistema para dar as horas, xa que antes a maior parte da xente non usaba reloxio e non existían os móbiles. Levaban 20 anos sen utilizarse e decidimos recuperalos para emitir a través deles as mensaxes de ánimo para os veciños que estamos a recibir no Concello da xente de Río que está fóra”, explica o alcalde de San Xoán de Río, Xosé Miguel Pérez Blecua.

 

 

A través deles estanse a emitir música, intercalada con esas mensaxes que chegan de xente de Río que está en cidades como Barcelona, Valencia,  etc. A idea é que se emitan tres veces ao día: pola mañá, a primeira hora da tarde e a última hora da tarde. Onte, luns facíase a primeira emisión.

Imaxes cedidas polo Concello de San Xoán de Río.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close