O cantante natural de Arcos actuará a partires das 21h. acompañado ao piano por Jesús Garcimartín
Esta tarde, o cantante valdeorrés Miguel Arias dará un concerto no Teatro Lauro Olmo do Barco, un lugar moi querido para el. A actuación, prevista para as 21h. será moi especial, cun directo “moi diferente ao visto ata agora no que seguramente estrearei un par de temas inéditos e contarei de novo coa colaboración no escenario de Jesús Garcimartín ao piano e doutros amigos. Será un momento para desfrutar”, asegura Miguel.
As entradas custan 7,5 euros venda anticipada en Ton y Son e 9 euros na billeteira.