Miguel García-Fernández afonda no importante papel da muller trivesa da Idade Media

Este historiador natural de Guístolas (San Xoán de Río) impartía unha interesante conferencia na tarde do 8 de marzo en Trives no marco dos actos organizados polo Día da Muller

Poñendo o foco na Idade Media e na historia local, Miguel García-Fernández falaba do papel e importancia das mulleres da comarca das Terras de Trives. Facíao durante a conferencia “Señoras e campesiñas na Idade Media trivesa, unha aproximación á nosa historia”, que impartía na tarde do 8 de marzo, Día da Muller, no Auditorio trivés ante un numeroso público.

Este historiador, natural de Guístolas (San Xoán de Río), foi presentado neste acto pola concelleira de Cultura, Muller e Igualdade de Trives, Isabel González Fandiño. Deseguido, iniciaba unha interesante exposición na que afondaba na contribución das mulleres desta zona durante a Idade Media, do papel apenas coñecido que desempeñaban nesa época na sociedade e da valiosa pegada que deixaron.

Teatro para finalizar os actos do 8M

No marco do Día da Muller, o domingo 10 de marzo ás 18h. no Auditorio Julio Vázquez terá lugar a representación teatral “Loló e mamá”. Esta peza desde o punto de vista educativo e da igualdade, “aborda, cun equipo artístico 100×100 feminino, dilemas da muller que conviven connosco días a día”, din dende o Concello de Trives.

As entradas poderán retirarse no auditorio desde media hora antes da función. Ten un aforo limitado e o prezo é de 3€, matizan dende a organización.

Fotos: Concello da Pobra de Trives.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies