Cuns 11.000 inscritos, a 42 edición da San Martiño, volvía ás cifras de récord de hai un par de anos. E entre esa multitude, moitos era cativos de diferentes idades.
Os primeiros corredores en tomar a saída na Ponte do Milenio, na mañá do 18 de novembro eran os adultos, e xa en torno ás 12:30h. facíano os máis de 3.000 inscritos na carreira escolar. Nenos nados entre os anos 2007 e 2002 (de forma individual ou a través dos centros escolares) que percorreron os 4,7 quilómetros reglamentarios pasando por Pardo de Cela, as rúas Basilio Álvarez, Avda. das Caldas e Ponte Vella cara ao Progreso, Avda. de Pontevedra, Lamas Carvajal e o Paseo cara a Curros Enríquez, Ponte Nova, Ribeira de Canedo e Ponte Vella, antes da chegada á meta.
A seguinte carreira, á dos cativos para nenos nados entre os anos 2008 e 2011 (alevín e benxamín) ambsos incluídos) saía ás 13:20h. con saída na Ponte do Milenio e meta na rúa Pardo de Cela e un percorrido de 1.400m, polas rúas Basilio Álvarez, Avda. das Caldas, Ponte Vella e Pardo de Cela.
A novidade deste ano era a carreira inclusiva, reservada para todos os nenos nados nos anos 2012 (prebenxamín) e posteriores, e persoas con diversidade funcional, moitas delas acompañados dun adulto/acompañante, que percorreron 1,4 quilómetros, cunha alta participación.
Fotos: Carlos G. Hervella.
