PolíticaÚltima hora

Mini pon voz e música á III Festa da Patria na Rúa

Por terceiro verán consecutivo, o campo de San Roque na Rúa acollía a Festa da Patria, un acto lúdico-político, da man do BNG de Valdeorras. Esta celebración comezaba a partires das 21h. deste venres 19 de xullo cunha petiscada para simpatizantes desta formación política e tamén para veciños.

A continuación tiñan lugar as intervencións da concelleira do BNG na Rúa, María Albert, e de Xosé Luis Rivas “Mini”, deputado no Parlamento galego, quen lembraba o espertar da conciencia nacionalista e como foi prendendo e penetrando na xente. Tamén aludía ao “decenio negro de Feijóo, a xente palpa e sabe os problemas da sanidade, que se está privatizando, e temos que recordarllo porque o nacionalismo a pesar dos atrancos e dos medios medios de incomunicación está aí, e pesamos cada vez máis”.

Mini tamén destacaba que a verdadeira “celebración da patria é conquistar o goberno galego, temos que dicirlle á xente que só nós sabemos gobernar dende aquí e para aquí. Iso é para nós a celebración da patria, non é unha bandeira nin un himno máis, é a esperanza deste país. Pensade en positivo, o país aínda ten todos os posibles para facelo entre todos e para que sexa unha patria de verdade”. Ademais poñía o broche musical á celebración dando paso á súa faciana de cantante e interpretando varias pezas coa compaña da súa guitarra.

Esta “Festa da Patria” era un acto previo en Valdeorras do que será a celebración o vindeiro 25 de xullo do “Día da Patria Galega”, no que o foco se pon en Compostela. Está promovido polo BNG de Valdeorras.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close