A tan só catro días dunhas eleccións xerais, a ministra de Fomento en funcións, Ana Pastor, visitou hoxe Ourense para asinar o convenio de colaboración que garante a execución da estación intermodal na cidade. Fíxoo nun evento que concentrou tamén ás administracións autonómica -a través da conselleira de Infraestruturas e Vivenda- e local -co alcalde de Ourense-, quenes tamén suscribiron o acordo para conferir oficialidade ao proxecto, xunto con representantes de Adif.
Neste senso, a titular do departamento autonómico, Ethel Vázquez, detallou que esta sinatura serve para asumir tarefas e obrigas de forma oficial, para acometer cada un as actuacións da súa competencia. Así mesmo precisou que o obxectivo é acadar unha estación eficiente e funcional.