SanidadeÚltima hora

MIR de Cirurxía de toda España fórmanse en patoloxía mamaria no CHUO

O Complexo ourensán é dos poucos que España que ofrece este tipo de formación
Estudantes beneficiarios desta formación.

O Complexo Hospitalario Universitario de Ourense (CHUO) forma parte do reducido grupo de redes de docentes a nivel nacional, avaladas pola Asociación Española de Cirurxías, para a formación especializada en Patoloxía da Mama en residentes de MIR en Cirurxía, a través dun curso intensivo que hoxe, 6 de maio, iniciouse en Ourense.

Esta formación terá unha duración de catro días, en xornada completa, con clases teóricas e prácticas, para un grupo de seis residentes de primeiro ano, segundo terzo de posgrao e cirurxía, “o que permite ofertar unha docencia altamente multidisciplinar”, apuntan dende o Complexo ourensán. Dez, do propio Servizo de Cirurxía, dous de Oncoloxía e un de servizos de Radioloxía, Anatomía Patolóxica e Medicina Nuclear, o que permite aportar unha visión integral da patoloxía mamaria e, especialmente, do cancro de mama.

Organizado polo xefe de Servizo de Cirurxía e responsable da súa Unidade de Mama, Manuel García, o curso ten por obxectivo trasladar aos futuros especialistas precisos sobre a patoloxía mamaria, as súa anatomía cirúrxica e fisiolóxica, aspectos básicos do diagnóstico por imaxe, e de medicina nuclear, patoloxía benigna, consultas máis habituais ou como transmitir información ás pacientes.

Afondando no manexo do cancro de mama, abordaranse os distintos tratamentos cirúrxicos, a súa evolución na historia, as técnicas cirúrxicas e as terapias complementarias. Para elo, os alumnos asistirán a distintas intervencións para coñecer as técnicas máis habituais de cirurxía mamaria e axilar, de diagnóstico por imaxe e de intervencionismo mamario, ademais de recibir información teórica sobre os aspectos máis relevantes, con sesións de quirófano, consultas e clases teóricas en aula, con permanencia continuada no hospital.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close