ConcellosGalerías de fotosÚltima hora

Miriam Ares e Miguel García, Dama e Cabaleiro Valdeorras 2014

Os barquenses representarán á comarca no certame provincial que se celebrará proximamente en Ourense

Valdeorras elexía aos representantes da comarca no certame Dama & Caballero de Ourense que se celebrará proximamente na capital. Facíao na tarde-noite do 9 de xullo nunha multitudinaria cerimonia celebrada na praza do Concello do Barco de Valdeorras, e organizada pola empresa MF en colaboración co Centro Comercial Aberto O Barco.

Na gala de Valdeorras, a primeira das que se celebrarán polas distintas comarcas da provincia de Ourense, participaban un total de 21 xoves, dez mulleres e once homes que desfilaron ante a atenta mirada do xurado, primeiro con roupa casual, despois con traxes de baño e finalmente con estilismos de festa. E trala deliberación do xurado, formado por representantes da vida política e social da zona xunto a Hugo Salgado e Gema Alonso, Cabaleiro e Dama de Ourense 2013, a presentadora Miriam Blanco daba a coñecer aos elexidos.

Os primeiros nomes en coñecerse foron os de “Dama e Cabaleiro Simpatía”, elegidos polos propios compañeiros: Lara González Blanco e Antonio Blanco Palmeiro. De seguido eran nomeados a “Dama e Cabaleiro Elegancia”: Miriam Ares Prada e Brais Pérez Alonso; e “Dama e Cabaleiro Fotoxenia”: Tania Fernández Núñez e David Arias Álvarez.

Tania Fernández Núñez e Marlene Canellas Miranda recibían a banda de 1ª e 2ª finalista respectivamente. No caso dos homes, David Arias Álvarez e Antonio Blanco Palmeiro recibían os seus correspondentes títulos.

As últimas e máis esperadas bandas do certame serían as de “Dama e Cabaleiro Valdeorras 2014” que eran colocadas a Miriam Ares Prada e Miguel García Álvarez. Eles representarán a Valdeorras no certame provincial do que sairán a Dama e o Cabaleiro de Ourense que competirán no concurso nacional de beleza. O de Dama de España celebrarase este mesmo ano e o de Cabaleiro de España xa no 2015.

Fotos: Carlos G. Hervella
Máis información na edición de agosto do Periódico O Sil

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close