CulturaCulturaGalerías de fotosÚltima hora

Momi Ogalla trae os contos do sur e de alén do mar ao Barco

Este “contaor” presentaba o seu espectáculo “De idas y vueltas” na tarde do 10 de xullo en Viloira dentro do ciclo De Perto

“¿Por que decidín ser contacontos?” Era a pregunta que lanzaba o gaditano Momi Ogallá nada máis subirse ao escenario do “De Perto” nunha calurosa tarde de 10 de xullo no Xardín da Casa Grande en Viloira (O Barco). E a resposta, como non, viña en forma de conto.

A súa avoa tiña unha casa “moi pequena” pero cun patio “moi grande”. E a Momi Ogalla encantáballe xogar nel ao balón cando era neno. Unha tarde, mentres lle daba patadas á pelota sucedía algo fantástico: un singular encontro cun paxariño. Cando a súa avoa chegou á casa relatoullo pero non logrou que ela enténdese nada. E co fin de dar coas “palabras, sons e xestos para poder contar o que a min me emociona decidín ser contacontos”, dicía.

 

 

Con esta historia este traballador social e narrador oral introducía o seu espectáculo “De idas y vueltas”, no que compartía co público historias nacidas alén do mar. Relatos que descubría nas súas viaxes a Sudamérica, e que traía de regreso a Cádiz como a do ritmo criollo que unía a un negro e a un español e que escoitaba en Lima, ou a dunhas mulleres que traballaban a terra e cuxo amo era a fame. Contábanlla mentres viaxaba no 2005 a Honduras.

Pero tamén había unha historia xestada terras andaluzas, en concreto en Sevilla, a do Gato Saavedra. “Os contos son unha viaxe para ir e para voltar e hoxe para quedarse no Barco”, dicía este “contaor” e, en certos momentos do espectáculo cantaor, en Viloira.

Con el, a palabra narrada deixa agora paso á música na seguinte proposta do ciclo “De Perto”, que virá da man da Banda da Loba. Será xa o vindeiro 12 de xullo ás 22:30h., á beira do Sil, no Malecón.

Fotos: Ángeles Rodríguez.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close