Ata o vindeiro 23 de abril poderá visitarse no Teatro Lauro Olmo do Barco unha exposición de acuarelas do artista Marcelino Santiago, máis coñecido como Kukas e pola súa faciana como titiriteiro, actor, dramaturgo e escenógrafo teatral. Ao mesmo tempo, tamén posúe unha ampla traxectoria no eido das artes plásticas. Deste xeito, as acuarelas son unha das vertentes nas que reflicte a súa creatividade.
Estes cadros poden verse ata o citado 23 de abril nun horario que vai de 19h. a 21:30h. Kukas ten realizado xa exposicións anterioarmente en varios concellos de Galicia.
