DeportesGalerías de fotosÚltima hora

Moteiros de toda España e Portugal asisten á V edición da Motoxeada, en Fonte da Cova

A concentración invernal celébrase toda a fin de semana no municipio de Carballeda de Valdeorras

A maioría veñen de Galicia, pero tamén os hai de Castela León, Andalucía, a Comunidade Valenciana o País Vasco e mesmo Portugal. Son os lugares de procedencia dos moteiros que buscando altitude, neve e bo ambiente, están a participar na V Motoxeada, o encontro invernal galego por excelencia, con base no Centro de Desenvolvemento Turístico Fonte da Cova, en Trevinca (Carballeda de Valdeorras).

Como en edicións anteriores, os preto de 400 asistentes á xuntanza moteira 2018, organizada pola asociación Motoxeada e o grupo moteiro Balas Rasas en colaboración co Concello, poden desfrutar dun completo programa de actividades que inclúe merendas, ceas, festas moteiras, rutas turísticas e sesións vermú sen esquecer a tradicional e ben acollida, degustación de porco ao espeto.

Tal como explica o presidente da asociación Javier Guerrero, o obxectivo do encontro é fomentar turisticamente a comarca de aí as rutas pola contorna que inclúen en cada edición, asegurando que a xente que vén a esta concentración é asidua a xuntanzas invernais por toda Europa “e gústalles moito Valdeorras”.

O evento remata mañá, domingo 16 de decembro, trala ruta, a sesión vermú e a entrega de agasallos e recordos desta edición.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close