Xituma Batuke, Kilomberos de Montealto e Trópico de Grelos desfilaron polas rúas da localidade
Un ano máis Verín desfrutou de dous intensos días de festa, auga e música na Batucada 2018. O acto central do programa tiña lugar na tarde do sábado 28 de xullo co desfile-pasarrúas dende a praza García Barbón ata o pavillón de deportes.
Ao son da música e da auga, centos de persoas, especialmente mozos, percorrían as rúas de Verín. Despois da batucada alternativa celebrada o día anterior, o sábado a música correu a cargo de Xituma Batuke (Xinxo de Limia), Kilomberos de Montealto (A Coruña) e Trópico de Grelos (Santiago de Compostela).
Lonxe de rematar, a festa continuaba tralo desfile coa animación musical de Enjoy Disco Móbil Jorge e xa de madrugada co concerto do grupo Gin Toni’s.
Fotos: Carlos G. Hervella.
