Cunha xincana conclúan na vila os actos das Letras Galegas
Un cento de persoas dábanse cita no Pilón de Trives na tarde do 19 de maio para desfrutar dun contacontos e das probas da xinkana “A Galiña Azul”. Ademais os máis pequenos realizaban un fermosos colaxe xigante dunha galiña azul coa axuda de pais e avós. Entre tanto outros apresurábanse na procura das pistas de obras de Carlos Casares para superar a xinkana, con carreiras polo pobo para atopar libros do autor ou mesmo os ovos de cores da galiña azul. Estas eran algunhas das probas a superar.
Tamén houbo tempo para representar un anaquiño do conto “O can Rin e o lobo Crispín”, de Casares. De seguido, os cativos recuperaban forzas cunha merenda. Deste xeito concluían os actos das Letras Galegas deste ano en Trives.
Fotos: Concello de Trives.
