Na provincia liberáronse 7.757 viais de Torymus sinensis no que vai de ano para loitar contra a avespiña do castiñeiro

Isto supón a solta duns 275.000 individuos, segundo a Consellería do Medio Rural

Exemplares de Torymus sinensis.

Ourense é a provincia galega na que se ten intensificado máis a loita biolóxica contra a avespiña do castiñeiro (Dryocosmus kuriphilus), segundo a Consellería do Medio Rural. É o territorio no que máis soltas do parasito Torymus sinensis se están a realizar, para combater esta praga. “Así, só este ano liberáronse xa un total de 7.757 viais do parasito (cada un deles contén aproximadamente entre 35 e 36 individuos), fronte aos 2.399 viais do pasado ano. Isto supón a solta duns 275.000 individuos. Polo tanto, a liberación multiplicouse por tres. No conxunto de Galicia soltáronse ata o de agora máis de 19.000 viais con Torymus, estándo previsto superar a cifra de 20.000″, aseguran dende Medio Rural.

 

Visita da conselleira do Medio Rural ao Centro de Desenvolvemento Agroforestal de Riós.

 

Nestes datos incidía tamén na mañá do 11 de xuño a titular deste departamento autonómico, Ángeles Vázquez, durante a solta deste parasito no concello ourensán de Riós, onde estivo acompañada neste acto polo director xeral de Ordenación Forestal, Tomás Fernández-Couto, e pola delegada territorial da Xunta en Ourense, Marisol Díaz Mouteira, entre outras autoridades.

Ángeles Vázquez lembraba que dende o pasado marzo técnicos da consellería realizaron un seguimento semanal dos máis de 9.000 puntos previstos e autorizados (polo Ministerio de Agricultura) de solta. Este traballo tivo por obxecto facer a liberación no momento máis adecuado para que o parasito teña as maiores posibilidades de éxito, tendo en conta as condicións meteorolóxicas e o estado dos soutos.

A conselleira do Medio Rural aproveitou a súa estadía en Riós para coñecer o seu Centro de Desenvolvemento Agroforestal, instalacións de referencia para o cultivo da castaña.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies