Un día máis o Hospital de Valdeorras continúa entre os centros galegos que manteñen ingresos por coronavirus. Así segundo a última actualización de datos da Consellería de Sanidade, o hospital barquense continúa cun paciente ingresado en planta con Covid-19.
Pola súa banda, o Hospital de Verín continúa libre de virus, mentres que no Hospital Universitario de Ourense rexístrase un único ingreso por coronavirus.
Dos 68 casos activos hoxe na Área Sanitaria de Ourense, Verín e O Barco de Valdeorras, 66 permanecen a seguemento a domicilio e 2 están ingresados en planta, segundo Sanidade.
O total de casos rexistrados na provincia ascende a 2.001, con 1.802 curados e 131 falecementos (residencias e hospitais). Ademais na provincia lévanse realizado 20.482 probas PCR.