SanidadeÚltima hora

Na semana que vén máis 56.000 mozos de 29 a 16 anos serán vacinados en Galicia contra o Covid

Serán convocados por SMS para recibir a primeira dose da vacina o martes e o venres nas sete áreas sanitarias. Non haberá autocita

 

Continúa avanzando o proceso de vacinación contra ao Covid-19 en Galicia. Neste sentido, as vacinacións masivas do martes e do venres da semana que vén vanse realizar no grupo de idade comprendido entre os 29 e os 16 anos, cun total de 56.320 persoas que serán convocadas para recibir a primeira dose. Esta convocatoria realizarase polo método habitual, enviando un SMS ao móbil, non haberá autocita.

O mércores e o xoves será a quenda para a inoculación de segundas dose. En total está previsto que 114.791 persoas sexan vacinadas en catro días, que se distribuirán do seguinte xeito:

Martes día 17. Rango 29 a 16 anos e repescas. Distribución de áreas sanitarias: 5.744 persoas na da Coruña e Cee; 2.699 na de Lugo, A Mariña e Monforte de Lemos; 2.688 na de Ourense, Verín e O Barco de Valdeorras; 3.656 na de Pontevedra e O Salnés; 7.150 na de Vigo; 4.907 na de Santiago e Compostela e Barbanza; e 1.818 na de Ferrol.

Mércores día 18. Segundas doses. Distribución de áreas sanitarias: 3.452 persoas na da Coruña e Cee; 2.702 na de Lugo, A Mariña e Monforte de Lemos; 2.305 na de Ourense, Verín e O Barco de Valdeorras; 3.151 na de Pontevedra e O Salnés; 6.488 na de Vigo; 7.239 na de Santiago de Compostela e Barbanza; e 1.864 na de Ferrol.

Xoves día 19. Segundas doses. Distribución de áreas sanitarias: 5.411 persoas na da Coruña e Cee; 4.252 na de Lugo, A Mariña e Monforte de Lemos; 3.146 na de Ourense, Verín e O Barco de Valdeorras; 3.590 na de Pontevedra e O Salnés; 7.901 na de Vigo; 3.750 na de Santiago de Compostela e Barbanza; e 2.216 na de Ferrol.

Venres día 20. Rango 29 a 16 anos e repescas. Distribución de áreas sanitarias: 5.744 persoas na da Coruña e Cee; 2.699 na de Lugo, A Mariña e Monforte de Lemos; 2.688 na de Ourense, Verín e O Barco de Valdeorras; 3.656 na de Pontevedra e O Salnés; 7.150 na de Vigo; 4.907 na de Santiago de Compostela e Barbanza; e 1.818 na de Ferrol.

Artigos relacionados

Back to top button