Espazos naturais, termalismo e actividade económica ligada ao turismo. Son as bases do proxecto transfronteirizo “A Raia Termal”, promovido polo Ministerio de Agricultura, Alimentación e Medio Ambiente –a través da Confederación Hidrográfica do Miño-Sil (CHMS)– e pola Deputación de Ourense.
Para poder levalo adiante, na mañá do 30 de marzo asinábase un protocolo de colaboración no Balneario Ríocaldo de Lobios. O acto estivo presidido polo delegado del Gobierno en Galicia, Santiago Villanueva, e nel o documento foi rubricado polo presidente da CHMS, Francisco Marín, polo presidente da Deputación, polos rexidores de Bande, Cortegada, Lobios e Muíños , José Antonio Armada, Avelino Luis de Francisco, Mª del Carmen Yáñez e Plácido Álvarez, respectivamente, así como polos representantes das Cámaras Municipais portuguesas de Melgaço e Terras do Bouro, Maria José Nóvoas de Pinho Codesso (vicepresidenta) e Joaquim José Cracel (presidente).
A obxectivo deste proxecto é pór en valor os espazos naturais e fomentar o turismo termal nacional e internacional de calidade nos ámbitos relacionados co ocio, a saúde e o patrimonio, favorecendo con iso a actividade económica das poboacións limítrofes de Ourense e do Norte de Portugal, segundo se indica dende o Ministerio. Para iso desenvolvéranse diversas accións “encamiñadas á protección e conservación de los espazos naturais fronteirizos do Miño e do Sil, así como á mellora da calidade ambiental da auga en tramos transfronteirizos das bacías do Limia e Miño, mediante o emprego tecnoloxías innovadoras”.
También se creará unha rede que fomente a vertebración dos recursos termais transfronteirizos raianos de cara á súa valorización turística, potenciando, ademais, o desenvolvemento e promoción de itinerarios e produtos turísticos baseados nos recursos termais e naturais do espazo transfronteirizo del Miño e Limia. Prevese que estas actuacións suporá un investimento de 2,5 millóns de euros.
A candidatura do prosecto “A Raia Termal” será presentada ao novo Programa de Cooperación Transfronteiriza entre España e Portugal -INTERREG V A-, que foi aprobado en febreiro pasado e que preve apoiar proxectos transfronteirizos durante o período 2015–2020 por un importe total de 382 millóns de euros.
