EconomíaEconomíaPizarraÚltima hora

Nace unha comisión técnica adicada ao po de sílice na lousa

Poñíase en marcha en Santiago o 11 de setembro e nela participan a Administración galega e o sector da lousa
Imaxe da constitución do comité técnico do convenio de colaboración entre a Consellería de Economía e Industria e o Clúster da Lousa, relativo á loita contra o po de sílice.
Imaxe da constitución do comité técnico do convenio de colaboración entre a Consellería de Economía e Industria e o Clúster da Lousa, relativo á loita contra o po de sílice.

Para facer fronte á problemática do pó de sílice no sector da lousa vén de crearse unha Comisión Técnica que, por primeira vez, contará coa participación de todos os axentes do sector da lousa co obxectivo de impulsar actuacións prácticas para a mellora das condicións dos traballadores reducindo a súa exposición ao po de sílice.

A súa posta en marcha tiña lugar o 11 de setembro en Santiago. Esta nova entidade está presidida polo director xeral de Enerxía e Minas, Ángel Bernardo Tahoces, e conta con representantes do Clúster da Lousa, das centrais sindicais maioritarias no sector, do Instituto Nacional de Silicosis e do Instituto Galego de Seguridade e Saúde Laboral.

Esta comisión supón un novo paso “na procura de iniciativas que fomenten medidas de prevención para a eliminación dos riscos mediante novas tecnoloxías, mellorando as xa existentes e introducindo cambios nos procesos produtivos”, segundo se sinala dende a Consellería de Economía.

O labor da Comisión terá un carácter eminentemente práctico, especialmente centrado na avaliación e control dos sistemas implantados para diminuír o risco derivado da exposición a este tipo de po. Ademais enmárcase nos proxectos iniciados “ao abeiro da colaboración entre o Clúster e a Consellería de Economía e Industria, que teñen permitido a elaboración de estudos e traballos técnicos encamiñados a diminuír o risco derivado da exposición ao po de sílice”, segundo a consellería.

Máis información na edición en papel do Periódico O Sil

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close