Na tarde do luns 9 de febreiro o xurado do concurso de fotografia Manuel Blanco Pascual organizado polo Instituto de Estudos Valdeorreses, reuníanse para outorgar os premios correspondentes a esta edición.
O 1º, dotado con 250 euros foi para a fotografía “Néboa en Outono”, de Arsenio Blanco Gayoso; o 2º, dotado con 200 euros, foi para a triloxía denominada “Camiño de Inverno”, de Lucas Docampo Gacio; mentres que o 3º, dotado con 150 euros foi para a triloxía denominada “Reestreo”, de Juan Manuel Vecino Sánchez.
Presentáronse ao concurso 28 fotografías de 15 autores, e dende o IEV destacan a calidade dos traballos “é moi boa e lamentamos non poder ampliar o número de premiados”. Non obstante entregaranlle un lote de libros a tódolos participantes.
Proximamente comunicarase o local e a data de exposición das fotografías.