PolíticaÚltima hora

Néstor Rego (BNG) pedirá no Congreso a prolongación de axudas ao pequeno comercio e á hostalaría

Este deputado incide en que "non poden darse por finalizadas as axudas unha vez se levante o estado de alarma ou finalice a emerxencia sanitaria, pois iso non significa que a actividade económica se reanude con normalidade" nestes sectores

O deputado do BNG no Congreso, Nestor Rego, durante unha intervención na cámara.

O deputado do BNG no Congreso, Néstor Rego, vén de instar ao Goberno central a activar un “plan de medidas de apoio e axudas ao pequeno comercio e especialmente a sectores específicos como os que teñen como principal actividade a venda de produtos destinados ao turismo e que non poderán reanudar a súa actividade, aínda que se levanten as restriccións resultantes do estado de alarma”.

Rego propón que este apoio ao pequeno comercio “se manteña no tempo”, pois a súa actividade principal está dirixida ao turismo e polo tanto “non terán ingresos durante os próximos meses” a pesar da desescalada.

O BNG considera que o sector do pequeno comercio que está máis orientado ao turismo, así como a hostalaría vai sufrir os efectos da crise da COVID-19 “durante moito máis tempo do previsto para o desconfinamento paulatino”. Néstor Rego sinala que “neste caso, e noutros semellantes, dado que o turismo tardará en normalizarse, será necesario que estes autónomos sigan contando con acceso a axudas e medidas de apoio até a total normalización do sector”.

O deputado do BNG no Congreso incide en que “non poden darse por finalizadas as axudas unha vez se levante o estado de alarma ou finalice a emerxencia sanitaria, pois iso non significa que a actividade económica se reanude con normalidade nestes sectores”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close