Destacada actuación de Noelia Quintela, natural de San Xoán de Río, na Dance World Cup, celebrada na pasada fin de semana en Braga (Portugal). Acudía a esta cita mundial co Team Spain. Este evento internacional reaunía a 6.003 participantes de 53 países.
Quintela amostaba a súa profesionalidade e, malia aos problemas que tivo coa música, logrou quedar a primeira do Team Spain e a 12ª no ranking Mundial en categoría Children Solo HipHop. Tivo ademais unha fin de semana moi completa con outras dúas competicións: a RockDaHouseFinals (European HipHop &Urban Dance Competition), na que era bronce en categoría minisolista, e o HotSteps, na que se situaba no terceiro posto.
Deste xeito Noelia Quintela pecha a tempada 2019 e pensa xa en preparar novos proxectos de cara ao 2020. Amosa asemade o seu agradecemento a “todos os que nos tedes apoiado en cada momento do evento”.
Foto cedida.