En apenas unha semana na comarca de Valdeorras vén de rexistrarse unha nova avaría por unha catenaria nun tren. Así, os pasaxeiros que viaxaban nun tren que facía o percorrido desde a estación de Vilamartín cara A Rúa de Petín a primeira hora desta mañá de sábado, tiveron que seguir o seu destino en distintos autobuses, por mor dunha avaría sufrida no convoi.
“Foi o mesmo persoal de seguridade de Adif quen alertou da incidencia ao 112 Galicia, sobre as 08:30 horas desta mañá. Comunicaban ademais que, aínda que non se esperaba circulación férrea por ese tramo, as barreiras do paso a nivel, nese tramo, estarían baixadas mentres non se solucionara o incidente. Aseguraban que os 144 pasaxeiros que viaxaban no tren estaban en perfecto estado e ían ser recollidos en distintos autobuses para que seguisen os seus destinos”, segundo informa o 112 Galicia.