OurenseÚltima hora

Nova campaña no xacemento romano de Aquis Querquennis

A Confederación Hidrográfica do Miño-Sil vén de asinar un convenio de colaboración coa Fundación Aquae Querquennae Via Nova para esta intervención por valor de 20.000 euros

 

Campamento romano de Aquis Querquennis en Bande./ Foto: Carlos G. Hervella.

 

Continúa a actividade arqueolóxica no campamento romano de Aquis Querquennis, situado no encoro das Conchas (Bande) e vinculado á Via XVIII. A partires do 12 de setembro comezará unha fase de consolidación das escavacións arqueolóxicas realizadas nos tres últimos anos. Nelas saían á luz parte de dous barracóns de tropa, as letrinas e unha parte da muralla no ángulo sur occidental.

Para tal actuación vén de asinarse un convenio de colaboración entre o Ministerio de Agricultura e Pesca, Alimentación e Medio Ambiente (a través da Confederación Hidrográfica do Miño-Sil) e Aquae Querquennae, fundación que xestiona o citado xacemento.

O convenio, cunha aportación de 20.000 euros, ten sido rubricado o 8 de setembro polo presidente da confederación, Francisco Marín, e polo presidente do patronato da fundación, Luis Fernando Quiroga. Esta subvención contribuirá á campaña de escavación neste campamento no exercicio do 2017. No acto tamén estaba presente o vicepresidente da fundación, o profesor Antonio Rodríguez Colmenero.

Esta intervención para consolidar os restos arqueolóxicos prolongarase cando menos dous meses, segundo informa o arqueólogo Santiago Ferrer, membro do equipo.

 

Sinatura do convenio de colaboración entre a Confederación Hidrográfica do Miño-Sil e a Fundación Aquae Querquennae.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close