Arredor de 40 emigrantes retornados da plataforma de Valdeorras concentrábanse na mañá do 6 de novembro ante a delegación de Facenda no Barco de Valdeorras. Ademais, a modo de manifesto, deron lectura a unha carta dirixida ao ministro de Facenda, Cristóbal Montoro.
“Os emigrantes retornados non abandonaremos as nosas reivindicacións e mobilizacións ate conseguir os obxectivos que consideramos de xustiza”, aseguraban.
Asemade dende a plataforma tamén se indicaba que “instamos a todas as persoas que se atopan afectadas e a seu entorno, a que se involucren nas actividades da Plataforma, que asistan ás concentracións así como ás charlas que se podan ir convocando”
