Proseguen as mobilizacións, convocadas cada mércores pola Plataforma Sanitaria de Valdeorras diante do Hospital Comarcal Valdeorras, no Barco. Con elas quere manifesarse o rexeitamento do anteproxecto de reforma da Lei de Saúde de Galicia.
Tal e como recordaba nesta mañá de 29 de novembro o voceiro da plataforma, Orlando Saavedra, séguese pedindo a retirada do citado anteproxecto e a negociación de forma consensuada dunha nova lei. Tamén se anunciaba que as concentracións manteranse, polo de agora, ata o vindeiro 13 de decembro.