O autor asinará exemplares do libro o martes 2 de agosto, de 7 a 22 horas, na caseta 25 (librería Xiada)
Tras dúas edicións galegas, o filósofo, crítico de arte e profesor Ignacio Castro Rey vén de sacar do prelo unha edición en castelán da súa obra Roxe de Sebes. Mil días en la montaña. Nela conta a experiencia extrema dun retiro nunha cabana de pedra e madeira nas montañas do Courel ao longo de mil días.
Esta edición en castelán “contén un texto bastante cambiado, depurado e mellorado, cunha edición máis definida doutra selección de fotografías”, explica o propio autor. Estará asinando exemplares deste libro o vindeiro martes 2 de agosto, de 7 a 22 horas, na caseta 25 (librería Xiada) na Feira do Libro da Coruña.