CulturaCultura

Nova edición do Premio Galicia de Fotografía Contemporánea

A presentación do certame tiña lugar no Centro Galego de Arte Contemporánea (CGAC) en Santiago
Un dos momentos da presentación deste premio de fotografía.
Un dos momentos da presentación deste premio de fotografía.

Situar a Galicia no circuíto internacional da fotografía e de promover nesta disciplina novas creacións na linguaxe contemporánea. Este é o obxectivo co que se concibe o Premio Galicia de Fotografía Contemporánea, un certame que nace ao abeiro do Festival Outono Fotográfico, promovido pola Fundación Benito Losada.

A segunda edición do premio presentábase o 18 de xuño no Centro Galego de Arte Contemporánea (CGAC) en Santiago,contando coa asistencia do secretario xeral de Cultura, Anxo Lorenzo, quen destacou o interese da iniciativa para dar novos pasos nas linguaxes artísticas contemporáneas, para explorar olladas novas nesta disciplina e para favorecer o seu achegamento á cidadanía, a través da exposición itinerante do proxecto gañador.

Na rolda de prensa tamén participaron os coordinadores do premio, o valdeorrés Víctor Nieves e Xosé Lois Vázquez, así como o deputado-delegado de Cultura e Turismo da Deputación Provincial de Lugo, Mario Outeiro,

O premio está dotado con 16.000 euros, contía que se destinará á produción dunha exposición temporal itinerante coa obra gañadora e á súa publicación nun libro que se distribuirá nas librerías. Ademais, unha selección das fotografías premiadas formará parte tamén do libro do Festival Outono Fotográfico.

O certame conta coa colaboración da Consellería de Cultura, Educación e Ordenación Universitaria e da Deputación de Lugo. Na primeira edición, en 2013, concorreron ao premio máis de 40 proxectos procedentes dun total de 10 países. A obra gañadora foi ‘Posesións para un esquecimento’, do lucense Daniel Díaz Trigo.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close