En portadaSanidadeÚltima hora

Nova técnica minimamente invasiva no HCV

Permite a reparación do prolapso rectal, evita o uso de anestesia xeral e fai posible a rápida recuperación dos pacientes

 

Un dos momentos da aplicación da nova técnica, no HCV.

O Servizo de Cirurxía do Hospital Comarcal Valdeorras comezará a aplicar unha nova técnica cirúrxica minimamente invasiva para a reparación do prolapso rectal, mediante excisión Transtar. O día 20 de febreiro realizábase por vez primeira esta técnica no centro barquense, dirixida polo doutor Eloi Espín, xefe da Unidade de Cirurxía de Colon e Recto do Hospital Val D´Hebrón de Barcelona.

Espín, que é doutor en cirurxía e profesor titular do Departamento de Cirurxía da Universidade Autónoma de Barcelona, Board Europeo de Coloproctoloxía e membro das sociedades europea e americana de coloproctoloxía; leva anos desenvolvendo esta técnica, que agora se incorporas a carteira de servizos do HCV.

Nela utilízase a sedación local, raquídea, polo que “ao evitar a anestesia xeral, posibilita ofertar unha resposta cirúrxica a pacientes nos que, pola súa idade avanzada ou estado de saúde, non estaba indicada unha intervención. Asemade, ao ser mínimamente invasiva, xa que se realiza perianalmente, e non vía abdominal, permite a rápida recuperación dos pacientes cun mellor postoperatorio e plena recuperación das súas funcións entre as seis e as oito semanas”, segundo se informa dende o Sergas.

O prolapso de recto e unha afección que implica “a saída de parte, ou todo, o recto a través do ano. Súa maior problemática nos adultos, dase nas mulleres de idade avanzada, que o padecen máis habitualmente que os homes. Aínda que se descoñece exactamente a súa causa, relaciónase cos partos, o estreñimento crónico, a debilidade da musculatura, asociada ao envellecemento, así coma a problemas neurolóxicos”, indican dende o Sergas.

O tratamento desta afección é sempre cirúrxico, e as vías de abordaxe dependen de factores como o tamaño do prolapso, idade e condición médica do paciente. “Entre elas, a vía máis habitual é a través do abdome mediante cirurxía tradicional ou laparoscópica, ou, como neste caso, a través do periné, o que permite intervir con menores riscos a pacientes de maior idade e peor condición médica”, matizan dende o Sergas.

Pese a non ser unha patoloxía grave que conleve graves riscos para o paciente, seu padecemento parella frecuentemente debilidade de esfínter, polo que afecta a vida diaria e autoestima dos que o padecen.

María Teresa García Martínez, do Servizo de Cirurxía do HCV, estima que no hospital valdeorrés diagnostican ao redor de 12 casos ao ano, que mediante a incorporación desta técnica, terán máis alternativas para ser intervidos directamente no Barco, co sistema que mellor se adapte as necesidades de cada paciente.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close