Dende a Consellería de Sanidade vén de confirmarse un novo brote de coronavirus na provincia. Ten sido detectado en Riós e é de orixe famiilar. Afecta a tres mulleres: unha de 66 anos e dúas 64 anos. As tres están a seguemento nos seus domicilios.
Por outra banda, o brote de Mariñamansa ascende a 29 persoas, “coa detección dun caso máis, un home de 29 anos”, segundo Sanidade.
Ademais, o gromo do Carballiño, con orixe nunha xuntanza de amigos, sobe a 16 casos coa detección dun novo positivo, un mozo de 19 anos.
En todos estes brotes continúa activo o seguimento dos contactos estreitos
Ademais, coincidindo coa fin de semana, Sanidade pide de novo “prudencia a toda a poboación, especialmente en xuntanzas e celebracións, principal orixe dos novos casos que se están a detectar”.
