SanidadeÚltima hora

O novo Centro de Saúde de Paderne de Allariz custará 636.440 euros

O prazo de execución é de nove meses e o edificio constará dunha única planta con tres salas de consulta

Avances no novo Centro Saúde de Paderne de Allariz. O conselleiro de Sanidade, Jesús Vázquez Almuiña, presentou hoxe, 7 de novembro, o proxecto desta nova instalación sanitaria que conta cun orzamento de 636.440,26 euros e ten un prazo previsto de execución de nove meses.

O conselleiro remarcou que dende o departamento que dirixe “se lle outorga especial importancia á Atención Primaria, buscando mellorar as condicións dos profesionais e posibilitando que os veciños reciban o mellor servizo sanitario”.

A nova edificación vaise construír nunha parcela de 2.255 metros cadrados, no lugar de Toxeiras, a uns 150 metros en liña recta do actual centro de saúde, que ten unha superficie de 261 metros cadrados. O novo edificio terá una superficie construída de 393,05 metros cadrados o que supón un incremento de 132,05 metros cadrados, un 50,59% máis respecto ao espazo actual.

Este futuro centro de saúde constará dunha única planta baixa, con tres zonas diferenciadas. Por un lado estará a zona sanitaria, que ocupará a parte central da construción e que será de maior tamaño. Á súa dereita estará a zona de persoal e á esquerda a das instalacións.

O acceso ao centro será a través dun gran porche que permite a espera dos pacientes en caso de choiva. Unha vez dentro, á esquerda, atoparase a sala de espera da recepción e un espazo para padiolas e cadeiras de rodas. Xusto ao final deste espazo, haberá un acceso a zona de instalacións a través dun falso patio. De seguido atoparase a recepción, os aseos para acceso do público e unha sala de espera con grandes cristaleiras. Fronte á sala de espera estarán a sala de consulta médica, a de consulta de enfermería e a de consulta polivalente. No exterior haberá unha zona de aparcamento con capacidade para once prazas, dúas delas para persoas con discapacidade.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close