SanidadeÚltima hora

O novo Centro de Saúde do Pereiro de Aguiar custará 1,1 millóns de euros

O conselleiro de Sanidade, Jesús Vázquez Almuiña, presentaba esta mañá o proxecto desta nova instalación que se prevé construír no prazo de 16 meses
A instalación contará cunha superficie de 680 metros cadrados.

O novo centro de Saúde do Pereiro de Aguiar contará cunha superficie de 682 metros cadrados e terá un custo de 1.124.785 euros. O conselleiro de Sanidade, Jesús Vázquez Almuiña, presentou hoxe, 29 de novembro, o proxecto que está previsto que se execute nun prazo de 16 meses.

Esta nova instalación sanitaria contará cun vestíbulo con espazo para padiolas, recepción, mostrador e unha zona de agarda. Na área de asistencia sanitaria de adultos contempla tres consultas de medicina xeral, dúas de enfermería, unha consulta da muller con aseo, unha sala polivalente e unha sala de agarda. Na área de Pediatría haberá unha consulta de pediatra, unha de enfermería pediátrica e unha sala de agarda.

Así mesmo, este novo Centro de Saúde contará coa área de persoal e administración, sala de xuntas, aseos e vestiarios; ademais doutros espazos con servizos comúns, aseos públicos adaptados, aseos de pediatría con cambiadores e almacén de residuos sanitarios, entre outros.

Jesús Vázquez Almuiña presentou hoxe o proxecto.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close