Un total de 23 alumnos de 4º da ESO do IES Cosme López Rodríguez da Rúa, participarán nunha actividade de inmersión lingüística. O curso está incluído no Plan galego de potenciación das linguas estranxeiras da Consellería de Cultura, Educación e Ordenación Universitaria e realizarase en réxime de internado entre o 8 e o 14 de decembro, nas instalacións do Centro de excelencia para a formación de inglés de Os Peares (Ourense).
As actividades son de carácter gratuíto para os alumnos e inclúen os gastos de docencia e material escolar, a manutención, o aloxamento e as actividades culturais, deportivas e complementarias do curso, así como os monitores de grupo.
Dos 150 que o solicitaron, o Cosme López é un dos 27 centros de toda Galicia que participan no plan do que se beneficiarán 500 rapaces.