ConcellosÚltima hora

Novo plan de sinalización do territorio do Xeoparque Mundial Montañas do Courel

Presentación do novo plan de sinalización do Xeoparque Montañas do Courel.

 

O tenente de alcalde de Ribas de Sil e presidente da Asociación Montañas do Courel, Roberto Castro; o alcalde de Quiroga, Julio Álvarez; e a alcaldesa de Folgoso do Courel, Lola Castro, reuníanse na mañá do 28 de outubro no miradoiro do pregamento de Campodola para presentar o novo proxecto de sinalización conxunta que se colocou no Xeoparque Mundial Montañas do Courel. Neste proxecto colaboran os tres concellos citados, que conforman o Xeoparque, e a Axencia de Turismo de Galicia.

Este plan inclúe tres apartados de sinalización. O primeiro deles é a colocación de paneis de entrada no territorio que comprende o xeoparque por estradas autonómicas e locais. Por outra banda, tamén abrangue a sinalización de tres puntos de información turística con paneis que recollen os 77 puntos máis importantes do territorio, nos que está sinalizado todo o patrimonio nos seus diferentes aspectos: patrimonio xeolóxico, patrimonio etnográfico, centros de interpretación, …

O último dos aspectos recollido neste proxecto é a colocación de tres grandes paneis, colocados no lugar máis emblemático de cada un dos concellos. Así colocáronse na Praia Fluvial de San Clodio (Ribas de Sil); na Devesa da Rogueira (Folgoso do Courel); e no pregamento de Campodola – Leixazós (Quiroga).

A finalidade desta coidada sinalización é a “dar visibilidade a este territorio, e que os visitantes contribúan coas fotos, que de seguro realizarán nestes carteis, a difundir o Xeoparque Montañas do Courel”, explican os seus promotores.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close