A falta de dous partidos para o remate da primeira volta na Japan WLBL, o Toyota Antelopes que dirixe Lucas Mondelo, técnico de orixe valdeorresa e seleccionador español de baloncesto feminino absoluto, encabeza a táboa.
Nesta fin de semana este equipo xaponés xogaba dous partidos contra o Denso Iris, no primeiro encaixaba a súa primeira derrota da tempada (cun marcador de 68-73), mentres que no segundo encontro, disputado na mañá deste domingo 25 de outubro, o equipo de Mondelo vencía cun resultado de 75-63.