EconomíaEconomíaÚltima hora

Novos conselleiros de Facenda e Cultura

Valeriano Martínez e Román Rodríguez tomarán posesión dos seus novos cargos o 10 de febreiro no Pazo de Raxoi
Valeriano Martínez será o novo conselleiro de Facenda.
Valeriano Martínez será o novo conselleiro de Facenda.

Xa se coñecen os nomes das persoas que relevarán nos seus cargos a Elena Muñoz e Xesús Vázquez. O presidente da Xunta de Galicia, Alberto Núñez Feijóo, asinaba o 9 de febreiro os decretos para nomear a Valeriano Martínez como novo conselleiro de Facenda e a Román Rodríguez como novo conselleiro de Cultura e Educación. Os novos conselleiros tomarán posesión do cargo mañá martes, 10 de febreiro, ás nove horas no Pazo de Raxoi.

O que será novo titular de Facenda, Valeriano Martínez García, naceu en Aldán (Cangas) en 1961, é licenciado en Ciencias Económicas e Empresariais pola Universidade de Santiago de Compostela e diplomado en Xestión de Xerencia Hospitalaria pola Escola de Alta Dirección e Administración. Desde 1985 é funcionario do corpo superior de administración xeral da Consellería de Economía e Facenda. Ata a data exercía como secretario xeral da Presidencia da Xunta de Galicia. Anteriormente, entre outras responsabilidades, foi director xeral de Recursos Humanos do Sergas, director xeral de Transporte e auditor do Consello de Contas de Galicia.

Román Rodríguez será o novo conselleiro de Cultura e Educación.
Román Rodríguez será o novo conselleiro de Cultura e Educación.

Román Rodríguez González, nado en Lalín en 1968, é doutor en Xeografía pola Universidade de Santiago de Compostela, na que se licenciou con premio extraordinario e onde é profesor titular. Posúe un título de máster en Desenvolvemento Local. Actualmente é deputado autonómico e desempeña o cargo de viceportavoz no Grupo Parlamentario Popular así como portavoz nos eidos de Educación e Ordenación do Territorio. Forma parte da corporación local de Lalín como tenente de alcalde.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close