Alberto Núñez Feijóo vén de ser reelixido por cuarta vez consecutiva para ser investido como presidente da Xunta. Así o anunciaba nesta mañá de 24 de agosto o portavoz do Partido Popular, Pedro Puy, despois da rolda de consultas co presidente do Parlamento, Miguel Santalices.
Feijóo recoñece que gobernar por cuarta vez consecutiva é algo insólito, e que esta lexislatura vai ser unha das máis complexas. “A primeira foi complexa pola crise económica, e esta pola crise sanitaria ademais da económica”, explica, facendo fincapé na situación sanitaria actual.
O portavoz popular, Pedro Puy, quixo recordar que Feijóo conseguira “o respaldo maioritario dos galegos nas eleccións”, cunha maioría absoluta con 42 escanos. Ademais, recalcaba que o líder do PP era “a mellor opción para a investidura” nun escenario marcado pola Covid-19.
Fotos: Carlos G. Hervella.
